09 Ago 2023 A ARTISTA GUARDESA NADIA OTERO EXHIBE A SÚA OBRA NO MERCADO DO ROSAL

Posted at 15:19h in Cultura, Mercado by

A mostra terá lugar no Gastrobar Daordaria, e estará aberta ao público desde o venres, 11 de agosto, ata o 1 de setembro

A artista plástica Nadia Otero abre a exposición ‘Do Lérez ao Tambre’ este venres, 11 de agosto, no Gastrobar Daordaria, no Mercado do Rosal.

A artista guardesa formouse na Facultade de Belas Artes de Salamanca, e está especializada en pintura ao óleo, facendo das paisaxes o seu motivo principal, nomeadamente paisaxes marítimas, nas que o territorio galego ten unha presenza salientable.

A exposición estará aberta ao público desde este venres, 11 de agosto, ata o 1 de setembro, no Gastrobar Daordaria, situado no Mercado do Rosal, na Praza do Calvario, 3, 1º andar.