O grupo ofrece un concerto de balde este venres 1 de setembro ás 21.00 h na praza de San Vicente de Marzán

Setembro arranca ao son do rock and roll no Rosal. A banda ‘Que de que’ retoma este venres 1 o concerto que tivo que ser adiado este mes de agosto a causa da choiva.

O experimentado grupo rosaleiro, liderado por Roberto Caco, estará a partir das 21.00 horas na praza de San Vicente de Marzán para ofrecer ao público un amplo repertorio de versións de cancións pop e rock dos anos 70 e 80.

Dende o Concello do Rosal animan a toda a veciñanza a gozar desta nova actividade da axenda cultural municipal, unha completa programación que encheu de música, animación e eventos o verán rosaleiro.