Novas

Tres semanas de humor e retranca na Praza do Calvario. O Rosal inaugurou este martes a exposición de viñetas dos humoristas Gogue e Luis Davila ‘Ilustrando’, unha mostra itinerante composta por trece prisma rectangulares cunha selección das mellores viñetas destes dous artistas que poderá verse ata o vindeiro domingo 23 de febreiro.

A Agrupación Musical do Rosal volve a ofrecer un espectáculo co que desfrutar da música e do baile. Este sábado 8 de febreiro. Os grupos de Baile Community Dancers e o grupo de Percusión da Agrupación Musical do Rosal serán os protagonistas do Festival de Baile Moderno e Música que se celebrará ás 18.30 h no Auditorio municipal.

San Xoán de Tabagón celebrará esta festa do 31 de xaneiro ao 2 de febreiro 

A espectacular ‘Subida do Artístico Arco de Tabagón’ dará esta fin de semana o pistoletazo de saída aos tres días de actividades, música e tradicións da Festa da Saúde e San Brais. Do 31 de xaneiro ao 2 de febreiro, San Xoán de Tabagón será o epicentro da festa, que comezará xa o venres cunha gran tirada de fogo graneado (13.00 h) e coa Treboada Virxe do Alivio (16.00 h).

O xefe territorial de Infraestruturas de Xunta en Pontevedra, José Luis Díez Yáñez, e o Xefe de Servizo Provincial de Pontevedra, Manuel Ángel González Juanatey visitaron a semana pasada O Rosal para coñecer de primeira man todas as demandas veciñais relacionadas con diferentes problemáticas e desperfectos nas estradas da Xunta que pasan polo concello. Acompañados da alcaldesa, Ánxela Fernández, e do concelleiro de Vías e Obras, Germán Fernández, os responsables de Infraestruturas visitaron in situ catro puntos clave que concentran a maior parte de peticións de mellora por parte da veciñanza.

Tríplicase o investimento en promoción cultural para achegar a cultura aos barrios, duplícase o gasto en investimentos e increméntase nun 30% a partida para o servizo de Axuda no Fogar

O pleno celébrase este venres 24 ás 20.30 h

Buscar por categoría e data