Novas

O concelleiro de educación Carlos Villanueva reuniuse con Mila Pérez Enríquez, Anxo Vaquero e Rita Rodríguez membros da directiva ANPA do Suárez Marquier, nunha reunión que quere ser a primeira de moitas nas que se tratarán temas importantes tanto para as familias como para o alumnado escolarizado neste centro educativo.

A alcaldesa, Ánxela Fernández, e o Concelleiro de tráfico e seguridade, Germán Fernández, mantiveron unha reunión co subtenente da Guardia Civil do posto da Guarda. Na mesma trataron dúas cuestións. A seguridade no Concello en relación cos roubos no municipio e cuestións relacionadas coa mobilidade, o tráfico e os excesos de velocidade detectados pola veciñanza nalgunhas estradas do ámbito xeográfico do Concello.

# REACTÍVATE Comezamos co programa #Reactívate que engloba as actividades anuais desenvolvidas no Concello do Rosal. Deste xeito, neste ano teremos Pilates, Pintura, Restauración, Zumba, Zumba Gold, Tenis, Ioga e axilidade mental.

Preto de 200 alumnos de primaria do CPI Manuel Suárez Marquier participaron no concerto didáctico realizado e organizado este venres pola Escola de Música da Agrupación Musical do Rosal na biblioteca do centro.

O goberno Municipal do Rosal, encabezado por Ánxela Fernández Callís, mantivo dentro do programa #AVeciñanzaConta, unha reunión coas Comunidades de augas de Traídas Veciñais. Na mesma, ademais da alcaldesa, participaron as concelleiras Sara Vicente, responsable da área de Medio ambiente, a Concelleira Sabela Rodríguez e o Concelleiro Germán Fernández.

Buscar por categoría e data