01 Xuñ 2020 O ORAL RETOMA A ATENCIÓN PRESENCIAL NO ROSAL EXCLUSIVAMENTE CON CITA PREVIA

Posted at 12:55h in Sen categoría by

Atenderase martes e xoves dende mañá 2 de xuño. As persoas interesadas poden solicitar a súa cita de forma telemática, chamando ao 986 804 100 ou ao Concello

O ORAL, o órgano da Deputación de Pontevedra encargado de colaborar cos concellos na xestión, inspección e recadación dos tributos locais, retoma esta mesma semana a atención presencial nas súas oficinas do Rosal exclusivamente con cita previa.

O servizo atenderá de forma presencial os martes e xoves a partir deste mesmo 2 de xuño. As persoas interesadas en solicitar a súa cita previa poderán facelo vía telamática a través da web do ORAL, da Oficina Virtual da ORAL ou da Sede electrónica ou vía telefónica chamando ao 986 804 100.

Se algún veciño ou veciña precisa axuda coa tramitación da cita previa pode chamar directamente ao Concello do Rosal ao número 986 62 50 00 extensión 3004.

Coa atención presencial o ORAL tamén retoma a partir deste 1 de xuño toda a súa actividade.