Patrimonio

O Rosal é rico en patrimonio material e inmaterial, por iso traballamos para a súa protección, difusión e fomento como un dos piares da nosa esencia e identidade.

Coa súa impoñente planta, a Igrexa de Santa Mariña preside a praza do Calvario. Un dos elementos arquitectónicos máis importante do Rosal e tamén un dos máis singulares por fusionar o seu aire barroco coa influencia americana da torre das campás.

 

No seu interior agocha verdadeiras obras de arte. Entre elas, destaca o retablo do altar maior, unha xoia do barroco cunha fonda pegada portuguesa. Tamén é de obrigada visita o coro da igrexa recuberto por un gran arco que sobresae sobre os frescos do martirio de Santa Mariña. Unha obra feita polo pintor guardés, Manuel Ángel.

Coñece máis sobre as igrexas do Rosal

As nosas accións encamíñanse a recuperar e conservar os nosos vestixios con proxectos como “Memoria Viva”, que procura salvagardar os bens intanxibles do Rosal a través daquelas veciñas e veciños que o viviron.

 

Nemesio Castro, o dono do último muíño activo do Folón e do Picón ou Marcola González, unha muller avanzada aos seus tempos que xa rachaba teitos de cristal, son dous dos exemplos deste proxecto que difunde e conserva a memoria que atesouran as persoas maiores do municipio.

 

Coñecementos sobre outros tempos, un oficio, unha tradición forman parte desta iniciativa plurianual de recuperación do noso.

Ir a web de Memoria viva

Horario de atención

Luns a venres
9:00-14:00

Ubicación

Concello do Rosal Praza do Calvario 1
36770 O Rosal Pontevedra

Teléfono

+34 986 625 000
Fax: +34 986 626 034

Enderezo electrónico

notifica@orosal.gal

Novas de patrimonio