Andainas interpretativas: Couselo – Niño do Corvo

Roteiro circular con saída e chegada na aldea de Couselo. Subirase polo monte comunal e algúns viñedos ata o miradoiro do alto do Niño do Corvo (312 m), visita da Pedra Furada e cambio de val para baixar polo Val do Rosal, o formado polo río Carballas.

Datos técnicos

• Distancia: 8 kms.
• Duración aproximada: 3,5 horas.
• Desnivel acumulado: 350 m.
• Percorrido circular.
• Dificultade moderada.

As persoas interesadas en participar en calquera destas andainas deberán inscribirse previamente a través do formulario de inscrición que se habilitará uns días antes na web municipal. Haberá un límite de 30 prazas.